Համո Հովհաննիսյան

Հովհաննիսյան Համո Գրիգորի (), հայ խորհրդային կուսակցական աշխատող, լրագրող, ԽՄԿԿ անդամ (1924)։

1928 թվականին ավարտել է Մոսկվայի ժուռնալիստիկայի կոմունիստական ինստիտուտի վերապատրաստման դասընթացները, 1932-1935 թվականներին սովորել է Մոսկվայի կարմիր պրոֆեսուրայի պատմափիլիսոփայական բաժանմունքում։ 1921-1924 թվականներին Խորհրդային Հայաստանի տարբեր շրջաններում եղել է կոմերիտմիության շրջկոմի քարտուղար, 1924-1928 թվականներին՝ «Ավանգարդ», 1928-1932 և 1935-1937 թվականներին՝ «Խորհրդային Հայաստան» թերթերի խմբագիր։ Ընտրվել է ՀԿԿ ԿԿ և ՀԽՍՀ Կենտգործկոմի անդամ։ Հեղինակ է խորհրդային քարոզչության դիրքերից շարադրված տնտեսագիտական, մշակութային ուսումնասիրությունների («Կապիտալիզմի անհավասարաչափ զարգացման հարցի շուրջը», 1935), «Հին ինտելիգենցիայի հարցի շուրջը» (1931 թվականին))։ Տրամադրված է Վիքիպեդիայի կողմից