Թամարա Հովհաննիսյան

Թամարա Սոսի Հովհաննիսյան (), հայ բանաստեղծուհի, արվեստաբան։

1975 թվականին ավարտել է ԵՊՀ բանասիրական ֆակուլտետը։ 1995 թվականին ՀՀ ԳԱԱ-ում պաշտպանել է ատենախոսություն «Վահան Թեքեյանի սիրերգությունը» թեմայով, ստացել բանասիրական գիտությունների թեկնածուի գիտական աստիճան, որը հրատարակվել է նույն թվականին Սերգեյ Սարինյանի առաջաբանով։ 1988 թվականից հաստատվել է ԱՄՆ-ում, ապրում է Հյուսիսային Կալիֆոռնիայի Քարմել քաղաքում։ 1988—91 թվականներին ամերիկահայ մամուլում հանդես է եկել հարյուր քառասունից ավելի հոդվածներով ու էսսեներով։ 1991 թվականից պաշտոնավարել է Մոնթերեյի միջազգային հարաբերությունների ինստիտուտում։ ԱՄՆ-ում մասնակցել է հայերենի դասագրքերի կազմման աշխատանքների։ Աշխատում է իր տնօրինած արվեստի ցուցասրահներում, որտեղ ներկայացվում են ժամանակակից եվրոպական և հայ գեղանկարիչների ստեղծագործություններ։ Հրատարակում է The Art of Collecting եռամսյա էլեկտրոնային հանդեսը։ Դասախոսություններ է կարդացել Ֆրունզեի, Լա Վերնի համալսարաններում։ Տրամադրված է Վիքիպեդիայի կողմից