Սաբիր Ռիզաև

Սաբիր Ալեքպերի Ռիզաև (), խորհրդային թատերագետ, կինոգետ։ Ազգությամբ՝ ադրբեջանցի։ ՀՍՀՄ արվեստի վաստակավոր գործիչ (1975)։ Արվեստագիտության դոկտոր (1969)։

1951 թվականին ավարտել է Երևանի գեղարվեստա-թատերական ինստիտուտի թատերագիտական բաժինը, ապա՝ Լենինգրադի թատրոնի, երաժշտության և կինեմատոգրաֆիայի ինստիտուտի ասպիրանտուրան։ 1954 թվականից եղել է «Հայֆիլմ» կինոստուդիայի սցենարական բաժնի վարիչը, զուգահեռաբար՝ ՀԽՍՀ ԳԱ արվեստի ինստիտուտի ավագ գիտական աշխատող, 1969 թվականից՝ տնօրենի տեղակալ գիտական գծով, 1975 թվականից՝ նաև Հայաստանի կինեմատոգրաֆիստների տան միության քարտուղար։ Աշխատություններին բնորոշ է գիտական հիմնավորվածությունը, արվեստի տրամաբանական ընդհանրացումները և փաստացի նյութի հարստությունը։ Բազմաթիվ հոդվածներ ունի հայ թատերական նշանավոր գործիչների և ներկայացումների, ինչպես և հայ կինոարվեստի զարգացման խնդիրների վերաբերյալ։ Տրամադրված է Վիքիպեդիայի կողմից