Հայկական գրադարանային ասոցիացիա
Հայկական գրադարանային ասոցիացիա (ՀԳԱ), հիմնադրվել է 1994 թվականին Երևանում՝ ՀԱԳ-ի, ՀՀ ԳԱԱ հիմնարար գիտությունների, Խնկո Ապոր անվան մանկական հանրապետական, Ա. Իսահակյանի անվան քաղաքային կենտրոնական, գիտաբժշկական, գիտատեխնիկական գրադարանների, ՀՀ մշակույթի և երիտասարդության հարցերի նախարարության նախաձեռնությամբ (մինչև 2004 թվականը՝ Հայկական գրադարանային միություն)։ՀԳԱ-ն կազմակերպում է գրադարանային գործի զարգացմանը, արդիական տեղեկատվությանը նվիրված գիտաժողովներ, խորհրդակցություններ, սեմինարներ, կլոր սեղաններ, բանավեճեր և այլն։ Համագործակցում է տարածաշրջանային և միջազգային նմանատիպ կազմակերպությունների հետ։ 1996-2003 թվականներին եղել է Գրադարանային ասոցիացիաների և հաստատությունների միջազգային դաշնության անդամ։ 1997 թվականին մասնակցել է դաշնության 4 մշտական հանձնաժողովների աշխատանքներին։ Ներկայացուցչություն է ունեցել Ազատ տեղեկատվության և արտահայտման ազատության հանձնաժողովում։ Մասնակցել է միջազգային գիտաժողովների, խորհրդաժողովների։
1990-ական թվականներին ՀԳԱ-ին անդամակցում է շուրջ 40 գրադարանի ավելի քան 240 ներկայացուցիչ։ Պաշտոնական տպագիր հրատարակությունը և խոսնակը «Հայկական գրադարան» տարեգիրքն է (սկզբում՝ «Տեղեկագիրք»)։
2002 թվականից անընդմեջ մինչև օրս ՀԳԱ-ն կազմակերպում և անցկացնում է հանրապետության գրադարանների տարվա գլխավոր իրադարձությունը՝ Ազգային գրադարանային շաբաթը;
ՀԳԱ-ի նախագահներ են եղել Ներսես Հայրապետյանը (1994–2003), Դավիթ Սարգսյանը (2003-2012), Ռուզան Տոնոյանը (2012 թվականից)։ Տրամադրված է Վիքիպեդիայի կողմից
-
1
-
2